د افغانستان کرېکټ ملي لوبډلې د بنګله دېش کرېکټ ملي لوبډلې پر وړاندې په دویمه یو ورځنۍ نړیواله لوبه کې د ۶۸ منډو په توپیر ماتې وخوړله.
بنګله دېش په دې لوبه کې د ۷ لوبغاړو په سوځېدو افغانستان ته د ۲۵۳ منډو هدف ورکړه، خو افغان لوبډله د دې هدف په ترلاسه کولو کې پاتې راغله.
افغان لوبغاړي د لوبې په ۴۳ اور کې د ټولو لوبغاړو په سوځېدو یواځې. ۱۸۴ منډې ترلاسه کړې او لوبه یې په ستر توپیر په سیالې لوبډلې وبایلله.
دا په داسې حال کې ده چې ملي لوبډلې په لومړۍ لوبه کې د ۹۲ منډو په توپیر بنګله دېش ته ماتې ورکړې وه.