د بشري حقونو د څار نړیوالې ادارې یا هیومن رایټس واچ ویلي، د طالبانو د مشر او قاضي القضات د نیولو له حکم څخه ملاتړ کړی دی.
دغې نړیوالې ادارې د یو بیان په خپرولو سره ویلي دي چې دا غوښتنې د افغان ښځو او نجونو لپاره د عدالت د تامینولو لپاره یو مهم ګام دی او باید جدي ونیول شي.
د جرمونو نړیوالې محکمې تازه د یوې اعلامیې په خپرولو سره د طالبانو د مشر او قاضي القضات د نیولو حکم کړی دی.
دا په داسې حال کې ده چې طالبانو په تېرو درې کلنو کې پر افغان نجونو او ښځو پراخ محدودیتونه ولګول او هغوی یې له خپلو اساسي حقونو بې برخې کړل.