د طالبانو تر کنټرول لاندې سترې محکمې ویلي دي چې د میدان وردک ولایت د چک ولسوالۍ دوه اوسېدونکي یې د زنا په تور په ۳۹ دُرو او دوو کلونو بند محکوم کړي دي.
سترې محکمې نن شنبه د سپټمبر په ۷ مه نېټه د یوې بلې جلا خبرپاڼې په خپرولو سره ویلي دي چې په بامیان ولایت کې یې دوه کسان له کوره د تېښتې په تور په ۳۹ دُرو او یو کال بند محکوم کړي دي.
دا په داسې حال کې ده چې طالبانو تر دې وړاندې هم په ځلونو په بېلابېلو جرمونو تورن کسان په عام محضر کې په درو وهلي دي.