پاکستاني رسنیو راپور ورکړی دی چې طالبانو د تحریک طالبان پاکستان (TTP) مشر نورولي محسود او د هغه ملګري مزاحم محسود ته په افغانستان کې ځانګړی اقامت او د وسلو لېږد جواز ورکړی دی.
د پاکستان پیټيوي رسنۍ د راپور له مخې، طالبانو د TTP دغو لوړپوړو مشرانو لپاره یو موټر هم برابر کړی دی.
راپور وایي چې د نورولي محسود په اختیار کې یو ۲۰۰۵ ماډل فیلډر موټر او دوه میله کلاشینکوفونه هم ورکړل شوي دي.
راپور زیاتوي چې مزاحم محسود هم د روان کال په پیل کې د طالبانو لخوا په افغانستان کې ځانګړی اقامت ترلاسه کړی دی.
د معلوماتو له مخې، د مزاحم محسود لپاره صادر شوی جواز یوازې په کابل، د افغانستان په جنوب او ختیځو سیمو کې معتبر دی.
تر اوسه پورې طالبانو په دې اړه کوم رسمي غبرګون نه دی ښودلی.